24-25-октябрь күндөрү Тажикстандын борбору Душанбеде өткөн Хожи Шариф атындагы Dushanbe Grand Prix Juniors-2026 эл аралык дзюдо турнирине Кыргызстандык спортчулар катышты.
Эл аралык дзюдо федерациясынын расмий сайтынын (ijf.org) маалыматы боюнча, турнирге катышуу үчүн 19 өлкөдөн 227 спортчу катталган. Клубга катталыңыз.
Кыргызстанды 6 аял жана 11 эркек дзюдочу коргогон. Фадил Исмагомбетов эң мыкты натыйжага жетишип, 100 кг салмактагы категорияда коло медалды жеңип алды. Куттуктайбыз!
Мындан тышкары, 100 кг жогору салмактагы категорияда Данияр Полтушев жана Илья Сухинин, ошондой эле Айдай Какитаева (57 кг чейин) жана Милена Боруболотова (63 кг чейин) жетинчи орунду, ал эми Акмаржан Турдажиева (78 кг чейин) бешинчи орунду ээледи.
Кыргызстан курама командасынын тизмеси БУЛ ЖЕРДЕ: https://www.ijf.org/competition/3353/judoka_nations?nation=kgz
Турнирдин толук жыйынтыктары БУЛ ЖЕРДЕ: https://www.ijf.org/competition/3353/results
МААЛЫМАТ
Бул турнир тарыхый окуя болуп саналат, анткени Эл аралык дзюдо федерациясы (IJF) жаш спортчулар (21 жашка чейинкилер) үчүн атайын жаңы расмий Гран-при сериясын баштап жатат жана Душанбе биринчи этапты өткөрүү укугуна ээ болду.
