Кыргызстандык балбан Акжол Махмудов Казакстандын Астана шаарында өтүп жаткан күрөш боюнча дүйнө чемпионатында коло медаль тагынды.
Ал грек-рим күрөшүнөн 82 кг чейинки салмак категориясында күч сынашты.
Махмудов мелдешти 1/16 финалдан баштап, Египеттин, Грузиянын жана Азербайжандын балбандарын жеңип, жарым финалга чейин жетти. Бирок финалга чыгуу үчүн болгон беттеште Түркиянын өкүлүнө жеңилип калды.
Бүгүн, 25-октябрда, кыргызстандык балбан коло медаль үчүн Кытайдын өкүлү Халишан Бахэцзян менен күрөштү.
Жыйынтыгында Акжол Махмудов 6:5 эсебинде жеңишке жетип, дүйнө чемпионатынын коло медалын жеңип алды.
Бул медаль Кыргызстан үчүн аталган дүйнө чемпионатындагы алгачкы байге болду.
Акжол Махмудовдун дүйнө чемпионатындагы жыйынтыктары:
• 1/16 финал: Акжол Махмудов — Эмад Ашраф Мохамед Абуэлатта (Египет) — 5:1
• 1/8 финал: Акжол Махмудов — Гела Болквадзе (Грузия) — 9:0
• 1/4 финал: Гурбан Гурбанов (Азербайжан) — Акжол Махмудов — 6:7
• Жарым финал: Юксель Сарычичек (Түркия) — Акжол Махмудов — 6:0
• Коло медаль үчүн беттеш: Халишан Бахэцзян (Кытай) — Акжол Махмудов — 5:6
