Бишкек 8-ноябрдан 20-ноябрга чейин 2026-жылкы 17 жашка чейинкилер арасындагы Азия Кубогунун тандоо турун өткөрөт.
jashtar.kurama сайтынын маалыматы боюнча, 17 жашка чейинки оюнчулардан турган жаштар командалары Бишкектеги Дөлөн Өмүрзаков атындагы стадиондо беттешет. Кирүү акысыз.
Турнирдин алкагында Кыргызстан U-17 курама командасы Йемен, Түркмөнстан, Түндүк Мариана аралдары жана Монголия курама командалары менен беттешет.
Биринчи орунду ээлеген команда 2027-жылы Өзбекстанда өтө турган AFC U-17 Азия Кубогунун финалдык раундуна чыгат.
Кыргызстан курама командасынын беттештеринин графиги:
- 8-ноябрь: Кыргызстан - Түркмөнстан, саат 18:00;
- 11-ноябрь: Кыргызстан - Түндүк Мариана аралдары, саат 18:00;
- 17-ноябрь: Кыргызстан - Йемен, саат 18:00;
- 20-ноябрь: Монголия - Кыргызстан, саат 18:00.
